డయేరియా బాధితులను పరామర్శించి ధైర్యం చెప్పిన శాసనసభ్యులు శ్రీ శ్రీరాం రాజగోపాల్ తాతయ్య

మనభారత్ న్యూస్, 21 జూన్ 2024, ఆంధ్రప్రదేశ్, జగ్గయ్యపేట :- జగ్గయ్యపేట చుట్టుప్రక్కల  గ్రామాలలోకలుషిత నీరు తాగి కొంత మందికి డయేరియా సోకడం వలన వారిని జగ్గయ్యపేట పట్టణంలో ప్రభుత్వ, ప్రైవేట్ హాస్పిటల్ కి మరి కొంతమందిని మెరుగైన వైద్యం కోసం విజయవాడ తరలించడం జరిగింది. విషయం తెలుసుకున్న టిడిపి జాతీయ కోశాధికారి & శాసనసభ్యులు శ్రీ శ్రీరాం రాజగోపాల్ తాతయ్య గారు హుటాహుటిన హాస్పటల్ కి చేరుకొని డాక్టర్ అనిల్ కుమార్ గారు, సూపర్వైజర్ వెంకట్రావు గారు, రమేష్ గార్లతో కలిసి బాధితులను పరామర్శించి ధైర్యం చెప్పారు. ఈ విషయంపైన  శాసనసభ్యులు శ్రీరామ్ తాతయ్య గారు డిఎంహెచ్వో గారితో మాట్లాడి గ్రామంలోని వైద్య బృందాలను పంపించాలని అదేవిధంగా డయేరియా బారిన పడిన వారికి మెరుగైన వైద్యం అందించాలని ఆదేశించడం జరిగింది. ఈ సందర్భంలో జగ్గయ్యపేట నుండి విజయవాడ ప్రభుత్వ ఆసుపత్రికి మెరుగైన వైద్య కోసం వెళ్లిన వారికి డిఎంహెచ్ఓ గారు గవర్నమెంట్ సూపర్వైజర్ ను ఏర్పాటు చేయడం జరిగింది.