అన్ని దానములలో కన్నా విద్యా దానం గొప్పది - పి.గన్నవరం ఎమ్మెల్యే గిడ్డి సత్యనారాయణ

మనభారత్ న్యూస్, 28 జూన్ 2024, ఆంధ్రప్రదేశ్,  పి.గన్నవరం :- పి.గన్నవరం మండలంలోని పోతవరం మండల పరిషత్ ప్రాథమిక పాఠశాల వద్ద పాఠశాల ప్రధానోపాధ్యాయులు కత్తుల ఆనందరావు సౌజన్యంతో సమకూర్చిన పుస్తకాలను విద్యార్థులకు పి.గన్నవరం పంపిణీ చేశారు. ఈ సందర్భంగా పాఠశాలలో నూతనంగా చేరిన విద్యార్థుల చేత ఆయన అక్షరాభ్యాసం చేయించారు. ఈ సందర్భంగా ఆయన మాట్లాడుతూ తాను కిందటి ఏడాది జనసేన పార్టీ అధినేత, రాష్ట్ర ఉప ముఖ్యమంత్రి, పిఠాపురం ఎమ్మెల్యే పవన్ కళ్యాణ్ పుట్టినరోజు వేడుకలను పురస్కరించుకుని ఇదే పాఠశాలకు రావడం జరిగిందని అప్పుడు విద్యార్థులకు పుస్తకాలు పంపిణీ చేయడం జరిగిందన్నారు. ఎమ్మెల్యేగా తాను బాధ్యతలు చేపట్టిన తర్వాత తొలిసారి విద్యార్థులకు పుస్తకాలు పంపిణీ చేసే కార్యక్రమానికి రావడం ఆనందంగా ఉందని ఎమ్మెల్యే గిడ్డి సత్యనారాయణ అన్నారు. మండలంలో ప్రభుత్వ పాఠశాలల అభివృద్ధికి, విద్యార్థులకు కావలసిన సదుపాయాలు కల్పించడానికి తాను అధికారులకు పూర్తి సహకారాన్ని అందిస్తానని ఎమ్మెల్యే ఈ సందర్భంగా తెలియజేశారు. ఈ కార్యక్రమంలో మండల ఎంపీటీసీల సమాఖ్య అధ్యక్షుడు ఆదిమూలం సూర్యనారాయణ, జనసేన పార్టీ జిల్లా ఉపాధ్యక్షుడు శిరిగినీడి వెంకటేశ్వరరావు, జిల్లా కార్యదర్శి వాసంశెట్టి కుమార్, మండల అధ్యక్షుడు సాదనాల జెడి, స్థానిక నాయకులు మట్టపర్తి వెంకటేశ్వరరావు, తెలగారెడ్డి కృష్ణ, ముంగండ శ్రీరామ్మూర్తి, తాటికాయల శ్రీను, యడ్ల ఏసు భాస్కర రావు, అరిగేల సూరిబాబు, మహిపాల తాతాజీ, మండల పరిషత్ కో ఆప్షన్ సభ్యులు షేక్ దొరబాబు తదితరులు పాల్గొన్నారు.