జనసేనానికి ఘన స్వాగతం పలికేందుకు తెలంగాణ రాష్ట్ర నాయకుల సమావేశం

మనభారత్ న్యూస్, 27 జూన్ 2024, ఆంధ్రప్రదేశ్, హైదరాబాద్‌  :-  జనసేన పార్టీ అధ్యక్షుడు, పిఠాపురం ఎమ్మెల్యే కొణిదల పవన్‌ కళ్యాణ్‌ ఆంధ్రప్రదేశ్‌లో ఉప ముఖ్యమంత్రిగా బాధ్యతలు స్వీకరించిన అనంతరం మొట్టమొదటిసారిగా తెలంగాణలోని కొండగట్టు శ్రీ ఆంజనేయ స్వామిని జూన్‌ 29వ తేదీన దర్శించుకోవడానికి విచ్చేస్తున్న సందర్భంగా, వారికి తెలంగాణ జనసేన తరపున ఘన స్వాగతం పలికేందుకు హైదరాబాద్‌ జూబ్లీహిల్స్‌ జనసేన పార్టీ రాష్ట్ర కార్యాలయంలో రాష్ట్ర నాయకుల ఆధ్వర్యంలో సమావేశం నిర్వహించారు. ఈ సమావేశంలో రాష్ట్ర ఇంచార్జి నేమూరి శంకర్‌ గౌడ్‌, గ్రేటర్‌ హైదరాబాద్‌ అధ్యక్షులు రాధారం రాజలింగం, పార్టీ ప్రచార కార్యదర్శి ఆర్‌.కె.సాగర్‌, సమన్వయ కమిటీ సభ్యురాలు పొన్నూరు శిరీష, సమన్వయ కమిటీ సభ్యులు ముమ్మారెడ్డి ప్రేమ్‌ కుమార్‌, మహిళా చైర్మన్‌ కావ్య, గ్రేటర్‌ ప్రధాన కార్యదర్శి దామోదర్‌ రెడ్డి, మేకల సతీష్‌ రెడ్డి, తెలంగాణ జిల్లాలోని జనసేన నాయకులు, వీరమహిళలు పాల్గొన్నారు.