రెచ్చిపోతున్న గంజాయి గ్యాంగ్

మనభారత్ న్యూస్ ప్రతినిధి, 13 అక్టోబరు 2024,  హైదరాబాద్, తెలంగాణ : రంగారెడ్డి జిల్లా   : రాజేంద్రనగర్ పోలీస్ స్టేషన్ పరిధిలోని హైదర్ గూడా ఎర్రబోడలో గంజాయి గ్యాంగ్ రెచ్చిపోయింది. ఉదయం వాకింగ్ చేసి ఇంటికి వస్తున్న వాకర్స్‌పై గంజాయి గ్యాంగ్ కర్రలతో దాడి చేశారు. అడ్డు వచ్చిన వారిపై సైతం దాడి చేశారు. పార్కింగ్ చేసిన కారు అద్దాలు కూడా ధ్వంసం చేశారు.  గ్యాంగ్ సభ్యులు నిర్మానుష్య ప్రాంతంలో ప్రతి రోజు గంజాయి సేవిస్తున్నారు. తెల్లవారు జామున రెచ్చిపోయి బూతులు తిడుతూ దాడికి తెగబడుతున్నారు. 5గురు  సభ్యులు  గ్యాంగ్ లో ఉన్నారు. బస్తీ వాసులు పలు మార్లు పోలీసులకు ఫిర్యాదు చేసిన పట్టించుకోవడం లేదు.  కుటుంబము తో కలసి వెళ్లాలంటే గంజాయి గ్యాంగ్‌తో భయం వేస్తోందని బస్తీ వాసులు ఆవేదన వ్యక్తం చేస్తున్నారు. గంజాయి గ్యాంగ్ ఆగడాలను అరికట్టాలని డిమాండ్ చేశారు